ოსტატი

მაგდა პროფესიით ფიზიკოსია, თუმცა მას თავისი პროფესიით არასოდეს უმუშავია. მან უკვე რამდენიმე წელია, რაც დაარსა სახელოსნო Birdie, სადაც სრულიად დამოუკიდებლად ქმნის  ხის დეკორაციებს. ბუნებისადმი განსაკუთრებულმა სიყვარულმა განსაზღვრა მისი ნამუშვრების თემატიკაც. ოსტატი ეკოლოგიურად სუფთა მასალისაგან – ხისგან ქმნის დეკორატიულ დაფებს, ტანსაცმლის საკიდებს. თუმცა ბოლო პერიოდში დაიწყო სარკეების ჩარჩოების მოხატვა, რასაც, როგორ ოსტატი აღნიშნავს ძალიან დიდი დაინტერესება და გამოხმაურება მოყვა. მისი შთაგონების წყარო ხშირად არის ჩიტები, ბუნება, ქართული ორნამენტები და ქსოვილები. ოსტატი სამომავლოდ გეგმავს სახელოსნოს გაფართოებას და ასევე ეკოლოგიურად სუფთა საბავშვო ავეჯზე მუშაობას.